والدة البرادعى: ابنى الأحق بالرئاسة..وهو يبكى ويقول: الداخلية لازم تنكسر علشان تتبنى

قالت والدة الدكتور محمد البرادعى، إن نجلها يعد الأصلح لرئاسة مصر فى الفترة الحالية، وأضافت:" أنا كتير قلتله بلاش تدخل فى السياسة، لأنها وجع دماغ، لكنه مسمعش الكلام، ومبارك مكنش عايزه، وكان سايب الناس بتوعه يهاجموه فى كل مكان، وقالهم اتصرفوا مع البرادعى".

وأضافت فى مداخلة هاتفية مع برنامج "مصر تنتخب" مساء اليوم الخميس، حيث كان البرادعى ضيفاً داخل الاستدويو:" أنا كنت خايفة عليه جدا، ولما حصل على جائزة نوبل، مفيش ولا صحفى أو مذيع مصرى اهتم بيه، وابنى عايز يصلح البلد..هو مش عايز رئاسة ولا غيره، إنما عايز البلد دى تبقى فى مقدمة الدول".

وفور انتهاء مداخلة والدته، بكى الدكتور محمد البرادعى، وقال:" الست دى أمى..دى اللى علمتنى كل حاجة حلوة".

وقال البرادعى إنه لو فاز برئاسة مصر، سيقوم بعمل مؤتمر صحفى فى إحدى المناطق العشوائية مثل اسطبل عنتر، حتى يقول للجميع" أنا استلمت البلد بالطريقة دى..ومش هقول أنا هاعمل البحر طحينة".

وحين سأله مذيع البرنامج مجدى الجلاد عن الرسالة التى يوجيهها إلى المشير حسين طنطاوى رئيس المجلس الأعلى للقوات المسلحة، قال:" ياريت المجلس العسكرى يسمع للمدنيين، علشان فى الآخر نضرب تعظيم للسلام للمشير والجيش والمجلس الأعلى للقوات المسلحة".

وحول الرسالة الذى يود توجيهها للواء محمد يوسف وزير الداخلية، قال:" أنا معرفهوش..لكن الداخلية عايزة تنكسر، وتنهدم، علشان لازم تتبنى من جديد".

» علاقة الدكتور محمد البرادعى بإ سرائيل وأمريكا
» خطة هيكلة «الداخلية» التى رفضها حبيب العادلى قبل ثورة يناير ومنصور العيسوى بعد الثورة
» كلمات أغنية / عشان لازم نكون مع بعض __ أعلان موبنيل
» مناجم الذهب في وزارة الداخلية
» بلطجية يعترفون بالاعتداء علي الداخلية لحساب الفلول بأجر ألف جنيه في اليوم‏